الخميس

صينية كوسه بالبشاميل

                        
المقادير
كيلو ونص كوسه
نص كيلو لحم مفروم
بصلتين كبار
ملح وفلفل
كريمه لبانى
بشاميل وهو عباره عن كوب دقيق - كوب لبن - كوب ونص شوربه - ملح - فلفل - سمن
                         

الطريقه
نغسل الكوسه ونكحتها خفيف ونقطعها حلقات متساويه وممكن نقطعها بالطول 


نحضر طاسه وفيها سمن يسخن ونشوح فيها الكوسه على الوجهين الى ان ننتهى من المقدار كله 

نجهز اللحمه المعصجه
نقطع البصل ونشوحه فى السمن يدوب يدبل مش يغمق عشان ميغمقش اللحمه وبعد ما يدبل ورحته تظهر انزل عليه باللحمه المفرومه وافضل اقلبها الى ان تشرب الماءالى فيها وتستوى واحط الملح والفلفل


اجهز البشاميل بالطريقه العاديه

 واحضر صينينه بيركس او عاديه وامسحها بقطعه سمن ثم اضع فيها ربع كمية البشاميل الى عندى وارص عليه حلقات من الكوسه حتى تغطى كل البشاميل

 واضع عليها اللحمه المعصجه

 ثم باقى حلقات الكوسه

  ثم اخر حاجه باقى البشاميل على الوش


 ثم اضع كريمه لبانى وافردها بطهر معلقه على وش الصينيه تدخل فرن سخن على درجة 200 لمدة نص ساعه او حسب الفرن

ودا شكلها بعد خروجها من الفرن

الاثنين

كبده مقليه بالرده

                          
 المقادير                         
كبده مقطعة شرائح
ثوم
فلفل اخضر بارد او حار
1 عصير ليمونة
ملح
فلفل أسود
كمون
رشة شطه حمرا مطحونه ودى حسب الرغبه
نص كوب دقيق +نص كوب رده ناعمه
زيت للقلى
بقدونش للتزين عند التقديم


                                              الطريقة                                


                                                                           
نضع الكبدة في طبق ونضع عليها عصير الليمون ونقلبها

                                                                       نجهز التتبيله

اضع الفلفل الاخضر والثوم والملح والفلفل والكمون والشطه ونفرمهم كويس
ونضع التتبيله على الكبده
يغطى طبق الكبدة ويوضع فى الثلاجه اكبر وقت ممكن





وعند القلى اجهز طبق الرده بالدقيق واخلطهم



واخذ قطعه الكبده واقلبها على الوجهين فى الرده الى ان انتهى من كل المقدار


 
 واتركها حتى يسخن الزيت كويس جدا وابتدى اقلى هى مش بتاخد وقت متسبهاش تغمق


  ونزينها بالبقدونس عند التقديم

الخميس

بطاطس جراتان


المقادير
ك بطاطس
نص ك لبن
2 كوب كريمه لبانى او قشطه
جبنه موتزاريللا او رومى مبشوره
ملح وفلفل
2 فص ثوم مفرمين
الطريقه

 
نقطع البطاطس حلقات رفيعه وتتغسل كويس عشان تنزل النشا



نضع الكريمه والثوم المفروم فى اللبن ونغليه

 
نرص البطاطس فى طاجن بيركس ونضع عليه اللبن المغلى بالكريمه والثوم
والجبنه
وملح وفلفل حسب الرغبه


 وتدخل الفرن ويكون ساخن من قبل هتاخد من 20 ل30 دقيقه على حراره عاليه ونشغل الشوايه للوش انا هنا شغلت الاتنين مع بعض اول 10 دقايق

 ولما اخدت الوش الجراتان شغلت الفرن من تحت بس حتى تمام السوا بالشكل دا
 اشهى بطاطس جراتان 

كفتة داوود باشا

                                                                              
 مقادير الكفته
نص ك لحم مفرومه
3 طماطم اى حجم وكوب الا ربع ماء

وبصلتين وسط او بصله كبيره
ثوم ومعلقه كبيره صلصه وبقدونس مفروم
ملح وفلفل وبهارات اللحمه

معلقتين كبار صنوبر او لوز وممكن الاستغناء عنهم



   
الطريقه                                                                                 
نفرم البصل ناعم وناخذ نص الكميه ونخلطه باللحمه المفرومه




ثم نضع عليهم البقدونس المفروم ناعم مع ربع معلقه فلفل ونص معلقه ملح وربع معلقه بهارات اللحمه



 
ونخلطهم كويس جدا ثم نشكل الكفته نكورها كور صغيره ونحمرها فى الزيت  مجرد تاخد اللون وهتكمل السوى فى الصلصه



                                                                 طريقه الصلصه للكفته



نضع معلقتين سمن فى الحله يسخنو  ثم نضع باقى البصل المفروم
ونحمره نصف تحمير ثم نضع معلقة الثوم المفروم ونكمل التحمير الى ان يصل للون الدهبى
نضع عليه عصير الطماطم المضروب فى الخلاط مع الماء
ومعلقه صغيره ملح ومعلقه صغيره فلفل ونتركها تتسبك شويه


وبعد ما الصلصه تغلى وتتقل شويه نضع فيها كرات اللحم بعد مااتحمرت ونتركها تستوىتقريبا اخدت10 دقايق واستوت
اول 5 دقايق على نار عاليه
واخر 5 دقايق نار هاديه عشان كرات اللحم تستوى من جوه وتبقى ناعمه وفى الوقت دا نضع الصنوبر
ونتركها تكمل التسويه


  ونقدم كفتة داود باشا  مع رز ابيض

الأربعاء

فرخه روستو بخلطة الطماطم والزعتر فى الفرن



فرخه روستو بخلطة الطماطم والزعتر فى الفرن
المقادير
فرخه اى وزن تحبوه
نص ك طماطم
عصير بصله صغيره
بصله كبيره
3 بطاطسات
3 جزرات
ملح فلفل-زعتر- ببريكا - ليمونه كبيره- صلصه


الخلطه
3طماطمات كبار مقشرين ومبشورين ومعلقه كبيره
صلصه وملح- فلفل
عصير-ميه بصله صغيره-نص معلقة صغيره ببريكا- عصير لمونه كبيره 

او 2 صغيرين ومعلقه كبيره زعتر
نخلطهم ببعض واخر حاجه عصير الليمون ونص كوب ماء


الطريقه
 

نضع الفرخه بالخلطه لمده اقل حاجه 3 ساعات فى الثلاجه


نجهز بوكيه جارنيه فى الصينيه لنضع عليه الفرخه
نقطع بصله كبيره جوليان وطمام مكعبات الكميه هنا حسب الرغبه
نضع معلقة صغيره من الملح والفلفل ومعلقة زعتر ونخلطهم ببعض كويس 


نضع عليهم مكعبات من البطاطس والجزر ونخلطهم ونفردهم فى الصينيه


نضع الفرخه بكل مكونتها على البوكيه جارنيه وتدخل الفرن لمده ساعه على حراره
200
 وطعم الخضار دا بعد سوا الفرخه بيكون رائع



ودى الفرخه لما خرجت من الفرن