الخميس

فراخ كاتشتورا

 المقادير
فرخه اى وزن واى نوع
بصله كبيره --3فصوص ثوم مفروم

 ملح وفلفل
كوب ونص عصير طماطم او ممكن صلصه 
طماطم مقطعه اى كميه حسب الرغبه
زيتون مخلى مخلل اى نوع حسب الرغبه

نص كوب ماء لعصير طماطم ولو استعملنا صلصه يبقى كوب ماء
عصير لمونه كبيره 

وممكن نحط بصل مخلل او جزر مخلل مع الزيتون حسب الرغبه
انا استعملت زيتون فقط

الطريقه
الفرخه تغسل كويس وتقطع على 8 قطع وممكن تشفيها من الجلد حسب الرغبه


نقطع البصل ونشوحه فى السمن والزيت ومعاه 3 فصوص ثوم مفرومين


تضع قطع الفراخ ونشوحها كويس

 ونضع الملح والفلفل ونخلى الليمون فى نص التسويه
وبعد ما نشوح الفراخ وتاخد اللون الدهبى

نضع الطماطم المقطعه شرائح ونص كوب عصير طماطم

ونتركها تغلى شويه ثم نضع عصر الليمونه

وعند اقتراب السوا ونلاحظ انها شربت الصوص

 نضع الزيتون المخلى ونقلبه مع الفراخ ويغلى غلوه ونطفى النار


ونقدم اشهى طبق فراخ كاتشتورا


الطبق عند التقديم


الاثنين

فطائر الورده بالجبنه والزعتر

اشكال مختلفه للورده بحشوة الجبنه بالزعتر

مقادي
ر العجينة
***********
كيلو دقيق
4م ك حليب بودر
1 م ك ملح
1معلقه ك سكر
1 م ص بيكنج بودر
1م ك خميرة فوريه
نص كوب سمن وممكن سمن وزيت
معلقه ك زعتر
لبن للعجن وممكن خليط من اللبن والميه

للحشوه
********
اى نوع جينه طريه ( قريش )
وعليه معلقه زيت زيتون
وزعتر مملح

للتزيين
******
صفار بيضة + معلقة لبن
حبة البركه
سمسم

الطريقه
******
نعجن كل المقدار بنص كوب السمن الدافى
ثم نضع خليط اللبن والماء الدافئ ونعجن اقل حاجه 10 دقايق كل ما نعجن مده اطول يكون احسن والفطائر تبقى هشه


 واما انتهى من العجن اسبها ترتاح وتخمر
اعمل الحشوه
**********
جبن قريس
معلقتين قشطه
زعتر سورى
معلقة زيت زيتون

بعد ما خمرت العجينه
***************
اخد قطعه وافردهاعلى زيت مش دقيق واحشيها بالجبنه والفها رول وبالسكينه اقطع قطع متساويه واحطها جنب بعض على شكل وردات مختلفه


ازينها بصفار البيض ومعلقة لبن ونخلطهم وندهن الوجه


وعليه حبة البركه او سمسم زى الصور


تخبر على حراره 200 لمدة 15 دقيقه او حسب الفرن بتاعك


وتابعو الصور لتوضيح الاشكال

 ودا شكلها من الداخل هاشه وناعمه



كيكة الجيلى بالموز

 المقادير
******
2كوب دقيق
ربع كوب سمن او زيت
كوب سكر
2 بيضه
كوب لبن
نص م ص خل ابيض
باكو بيكنج باودر - فانليا
2 باكو جيلى فراوله او اى نوع
5 وحدات موز 

الطريقه
******
يخلط البيض والسكر والسمن واللبن و الفانليا فى الخلاط
ثم يوضع الخل ثم الدقيق والبيكنج بودر بعد نخله على الخليط السابق فى طبق
ويخلطو بخفه ثم يوضع المقدار كله فى صينيه مبطنه بسمن ودقيق وتخبز على حراره عاليه او 10 دقايق ثم تخفض الحراره حتى السوا
بعد سوا الكيكه وتبرد نخرجها من الصينيه
وفى نفس الصينيه بعد غسلها طبعا نصب طبقة رقيقة من الجيلى اللى عملناه بنفس طريقته على العلبه وتوضع فى الثلاجة حتى تتماسك


ثم ترص حلقات الموز على طبقة الجيلى بعد التماسك
ثم توضع طبقة رقيقه اخرى من الجيلى وتدخل الثلاجه مره اخرى تتماسك قليلا


ثم نضع عليها الكيكه ونسقيها بباقى الجيلى وتوضع فى التلاجه اقل حاجه ساعه

 ونخرجها وقبل ان تقلب نحطها على النار ثانيه واحده مش كتير عشان الجيلى ميسحش و تنزل بسهوله فى الطبق وتقدم

 
زووووووم  من الجنب

الجمعة

صينية رز بالفراخ ومكعبات الباذنجان

 المقادير
3 كوب ر
ز اى نوع
فرخه مقطعه اربعه او زى ما تحبو
نص كيلو باذنجان
بصلتين كبار - معلقة كبيره ثوم -ملح - فلفل -كمون
معلقه صغيره كارى - كركم- بهارات فراخ- فصين حبهان
3جزرات - 3طمطمات جامدين


 الطريقه
1- نغسل الرز وننقعه بماء وملح لو بسمتى على ما نجهز المكونات
2- نغسل الفرخه ونقطعها وننقعها فى ميه وليمون
2- نقطع الباذنجان مكعبات مش كبيره ولا صغيره ونقليها فى الزيت او ممكن نشويها فى الفرن حسب الرغبه
3- نبشر الجزر على المبشره الاتجاه الكبير
4- نفرم البصل وتفرم الثوم لو مش جاهز عندك
ونتابع الخطوات الجايه


اول خطوه فى صينيه نضع سمنه وزيت ويسخنو ونحمر فيهم الفراخ وهى نايه
 وبعد ما يتحمرو نخرجهم ونضعهم فى طبق

 ومكان التحمير نحمر البصل والثوم وبعد ما يدبلو وياخدو لون دهبى
 نضع الجزر ونقلب شويه ثم 3ونص كوب ماء والملح والفلفل وباقى التوابل الى عندنا فى المقادير ويخدو غلوه نطفى النار


ونضع الطماطم والباذنجان والرز والفراخ ونشوف الملح والميه ولو محتاج ماء نزود بس ميه مغليه عشان مينشفش منك
 ولازم الميه تكون مغطيه الرز بعلقة صباع


ونغطيه بورق الفويل ويدخل الفرن من تحت حراره 200 على مايتشرب وتطلعيه فوق وتهدى الحراره 150 هياخد لمده 30 دقيقه
ملحوظه متشيليش الفويل الا اخر 5 دقايق



ودى النتيجه احلى طبق رز بالفراخ ومكعبات الباذنجان

الخميس

صينية كوسه بالبشاميل

                        
المقادير
كيلو ونص كوسه
نص كيلو لحم مفروم
بصلتين كبار
ملح وفلفل
كريمه لبانى
بشاميل وهو عباره عن كوب دقيق - كوب لبن - كوب ونص شوربه - ملح - فلفل - سمن
                         

الطريقه
نغسل الكوسه ونكحتها خفيف ونقطعها حلقات متساويه وممكن نقطعها بالطول 


نحضر طاسه وفيها سمن يسخن ونشوح فيها الكوسه على الوجهين الى ان ننتهى من المقدار كله 

نجهز اللحمه المعصجه
نقطع البصل ونشوحه فى السمن يدوب يدبل مش يغمق عشان ميغمقش اللحمه وبعد ما يدبل ورحته تظهر انزل عليه باللحمه المفرومه وافضل اقلبها الى ان تشرب الماءالى فيها وتستوى واحط الملح والفلفل


اجهز البشاميل بالطريقه العاديه

 واحضر صينينه بيركس او عاديه وامسحها بقطعه سمن ثم اضع فيها ربع كمية البشاميل الى عندى وارص عليه حلقات من الكوسه حتى تغطى كل البشاميل

 واضع عليها اللحمه المعصجه

 ثم باقى حلقات الكوسه

  ثم اخر حاجه باقى البشاميل على الوش


 ثم اضع كريمه لبانى وافردها بطهر معلقه على وش الصينيه تدخل فرن سخن على درجة 200 لمدة نص ساعه او حسب الفرن

ودا شكلها بعد خروجها من الفرن